Zaśniežanyja vioski, pieśni, narodnaja nabožnaść. Ksiondz ź Dziatłava chodzić u svajoj parafii «pa Kaladzie»

Probašč kaścioła Uniebaŭziaćcia Najśviaciejšaj Panny Maryi ŭ Dziatłavie ksiondz Andrej Liško na staroncy parafii ŭ Instagram adkryŭ rubryku «Chodzić ksiondz pa Kaladzie», u jakoj vykładaje fota i videa z naviedvańnia viernikaŭ — u asnoŭnym pažyłych ludziej — u vioskach, piša Katolik.life.

Śviatar publikuje svaje sełfi z parafijanami i pakazvaje chatnija ałtaryki, jakija adlustroŭvajuć narodnuju nabožnaść. Takija kutki z abrazami ŭ damach svaich babul pamiatajuć mnohija.

Taksama ksiondz dzielicca fota ź miascovymi krajavidami i videa ź pieśniami.

Padčas vizitaŭ ksiondz Andrej Liško śpiavaje razam z babulami nie tolki zvykłyja im polskija kaladki, ale i biełaruskija narodnyja i estradnyja pieśni, dobra viedajučy ich tekst.

Dušeŭnyja dopisy śviatara vyklikajuć emacyjnyja kamientary:

«Viedajecie, što samaje ciopłaje i rodnaje ŭ hetych malunkach? Heta dušeŭnaje źlićcio z čałaviekam, voś tak — ščaka da ščaki, u razmovach, u pieśniach, u dušeŭnaj adkrytaści».

«Darahija babuli, vy — našy majaki aptymizmu, žyćcialubstva, krynicy nievyčerpnaj enierhii. Prykład taho, jak lubić žyćcio, śpiavać sercam i nieści śviatło, niahledziačy na ŭsie žyćciovyja niahody. Dziakuj za vašyja ciopłyja vočy, za vašu mudraść, dabryniu i vieru ŭ lepšaje».

Kamientary da artykuła