Małady ksiondz biełarusizavaŭ parafiju na radzimie Franciška Bahuševiča
Praź miesiac paśla taho, jak u katalickaj parafii ŭ Župranach Ašmianskaha rajona novym probaščam staŭ ksiondz Artur Lašnieŭski, možna havaryć pra pieršyja płady jaho dziejnaści. Adzin ź viernikaŭ zaŭvažyŭ, što niezdarma ŭ ścianu hetaha kaścioła ŭmuravany partret Franciška Bahuševiča, piša Katolik.life.
Raniej vierniki Smarhoni, dzie da hetaha słužyŭ śviatar, źviartalisia z adkrytym listom i vykazvali svaju zakłapočanaść tym, što maładoha enierhičnaha ksiandza adpravili słužyć z horada ŭ viosku, dzie amal niama dziaciej i moładzi.
Akazałasia, heta nie tak — na zdymkach z Župranaŭ možna zaŭvažyć i dziaciej, i moładź. Pry novym probašču źjaviŭsia pablik parafii ŭ Instagram, dziakujučy jakomu možna sačyć za dziejnaściu śviatara: jon vykładaje videa ź imšy, paznavalnyja i viasiołyja roliki.
Jašče adno novaŭviadzieńnie stała niečakanaściu dla parafijanaŭ. Pra jaho raskazaŭ u Threads adzin ź viernikaŭ.
«Ksiondz viadzie słužby na biełaruskaj movie. Nie ŭpeŭnieny, ci byŭ za 150 hadoŭ historyi hetaj śviatyni biełaruskamoŭny probašč. Na majoj pamiaci dyk dakładna nie», — napisaŭ karystalnik sacsietki.
Jon dadaŭ:
«Na televizary pakazvajuć scenar imšy pa-biełarusku. Dla miascovych viernikaŭ heta niazvykła, polskaja imša ad zuboŭ adskokvaje, a biełaruskaja hučyć niezvyčajna inšapłanietna ŭ hetym asiarodździ. Ale mnie spadabałasia. Ksiondz ščyry, adkryty, uśmichajecca».
Aŭtar zaŭvažyŭ, što ŭ ścianu hetaha kaścioła ŭmuravany partret Franciška Bahuševiča, jaki «zahadvaŭ nam nie pakidać movy našaj biełaruskaj, kab nie ŭmiorli — cudoŭna, što jon zaraz budzie jaje čuć rehularna».
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ4
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach99
Kamientary