U Smalavičach dziaŭčynka ŭpała ŭ adkryty luk. Siabroŭka kinułasia na dapamohu — i ŭpała ŭ inšy
Adna sa smalavickich maci paviedamiła ŭ sacyjalnych sietkach, što dziaŭčynka ŭpała ŭ adkryty luk, a jaje siabroŭka, jakaja śpiašałasia na dapamohu, trapiła ŭ susiedni kałodziež, piša vydańnie Smolevichi-24.by.
Na ščaście, dzieci abyšlisia tolki stracham, mokraj vopratkaj i zhublenym abutkam. Pakul na miesca zdareńnia prybyli baćki, dziaŭčynkam udałosia ź lukaŭ vyleźci samastojna.
Na vodakanale patłumačyli, što paśla mocnaha śniehapadu kamunalnaja technika rasčyščała darohi, i pry hetym niekatoryja luki zrušylisia abo byli sarvany. Ciapier arhanizacyja zajmajecca ich adnaŭleńniem.
Pry hetym kamunalniki zaklikajuć być uvažlivymi:
- sačyć za nahami, asabliva ŭ ciomny čas sutak, pry śniehapadzie abo hałalodzie, bo adkryty luk možna nie zaŭvažyć;
- być aściarožnymi na darozie i kala kraju prajeznaj častki, kab nie trapić na niezakryty kałodziež;
- zaŭvažyŭšy adkryty abo niaščylna zakryty luk, paviedamić pa numary 115.