Novy trend: ludzi hatujuć maroziva na vulicy ŭ śniezie
Śniežnaja i maroznaja zima natchniaje na ekśpierymienty. U sacyjalnych sietkach raspaŭsiudziŭsia novy trend — ludzi hatujuć maroziva naŭprost u śniezie. Praces hatavańnia smakaty zajmaje kala paŭhadziny.
Staličny błohier Illa «Što pačym» padzialiŭsia ŭ tyktoku samym papularnym i pravieranym receptam.
Kab pryhatavać maroziva na vulicy, vam spatrebicca talerka ci rondal, pastaŭlenyja ŭ śnieh u maroznaje nadvorje. U posudzie treba budzie zamiašać 500 mililitraŭ viarškoŭ 33%, pakiecik z vanilnym cukram i cukrovuju pudru (na vaš hust). Paśla hetaha rychtujciesia źmiešvać usie inhredyjenty da adnarodnaj masy pryblizna paŭhadziny.
Dadatkova ŭ samym pačatku rekamiendujecca nasypać pad posud krychu soli — takim čynam pryhatavanaja sumieś astudzicca da patrebnaj tempieratury chutčej.
Błohier Illa «Što pačym». Skrynšot: chtopochemminsk / TikTok
Kali lanota vybiracca dla takich ekśpierymientaŭ na vulicu, biarycie prykład ź biełarusaŭ, jakija paŭtaryli ekśpierymient naŭprost na padvakońni.
Fota: catmemes12.228 / TikTok
U Breście samarobnaje maroziva raskłali navat u vaflevyja ražki — atrymałasia, jak z kramy.
Tyja, chto ŭžo kaštavaŭ trendavaje maroziva, kažuć, što pa smaku jano nahadvaje zvyčajny płambir.