Čamu ŭ škołach nie admianiajuć uroki ŭ mocnyja marazy
Namieśnik ministra adukacyi Alaksandr Kadłubaj patłumačyŭ na STB, čamu dzieciam pakul nie admianiajuć uroki ŭ mocnyja marazy.
Fota: LookByMedia
Hetyja pytańni rehulujucca narmatyŭna-pravavymi aktami.
Namieśnik ministra adukacyi zhadaŭ, što ŭ minułuju piatnicu «krychu bolš było śniehu, čym zvyčajna biełaruskaj zimoj». Na toj momant vyrašyli ŭ niekatorych rajonach prypynić padvoz dziaciej u škoły, kab nie padviarhać dziaciej lišniaj ryzycy pry pieravozcy. Adnak užo ŭ subotu zvyčajny farmat byŭ adnoŭleny.
«Siońnia my možam adkazać pa ŭčorašnim dni i pa siońniašnim ab tym, što ŭ nas u miežach Respubliki Biełaruś funkcyjanuje padvoz, niama parušeńniaŭ tempieraturnaha režymu va ŭstanovach adukacyi, ale i tempieratura navakolnaha pavietra jašče nie adpaviadaje tamu dyjapazonu, kali nieabchodna prymać rašeńnie pa prypynieńni dziejnaści ŭstanoŭ adukacyi», — skazaŭ Kadłubaj.
Nahadajem, školnikam možna zastacca doma, kali tempieratura pavietra a 7‑j ranicy nižejšaja za -25 hradusaŭ, a viecier macniejšy za try mietry za siekundu.