Saviecki bijatłanist Cichanaŭ načapiŭ na siabie kala 100 miedaloŭ i pajechaŭ pa biełaruskich škołach FOTAFAKT
Čatyrochrazovy alimpijski čempijon pa bijatłonie ŭražvaje padletkaŭ zachaplalnym vobrazam navahodniaj jalinki.
Alaksandr Cichanaŭ. Fota Ašmianski vieśnik
Pa cupołkach u sacsietkach raźlatajucca zdymki čatyrochrazovaha alimpijskaha čempijona Alaksandr Cichanava, jaki razam ź inšymi zasłužanymi spartsmienami naviedaŭ Ašmianski ahrarna-ekanaminy kaledž. Kanaist Dźmitryj Dałhalonak i handbalist Andrej Barbašynski ŭ zvyčajnych kaściumach, a Cichanaŭ… Jaho niepaŭtorny vobraz moža padasca fotašopam, ale heta absalutnaja realnaść.
Alaksandr Cichanaŭ, Dźmitryj Dałhalonak i handbalist Andrej Barbašynski. Fota Ašmianski vieśnik
Lehiendarny saviecki bijatłanist užo ŭ nie ŭ pieršy raz apranaje paradny pinžak z usimi zavajavanymi miedalami i ordenami. Padličyć dakładnuju kolkaść uznaharod składana, bo častka ź ich visić u Cichanava na šyi. Ale ich adnaznačna bolš za 80.
Alaksandr Cichanaŭ časta nosić svaju paradnuju formu. Fota: Pressball.by
Alaksandru Cichanavu 79 hadoŭ. U siaredzinie 2000‑ch byŭ prysudžany da 3 hadoŭ kałonii za sprobu arhanizavać zabojstva hubiernatara Kiemieraŭskaj vobłaści Amana Tulejeva, adnak vyzvaleny pa amnistyi.
Źjaŭlajecca fanatam Alaksandra Łukašenki, apošnija hady pastajanna žyvie ŭ Minsku.