Prakuratura pra śmierć Miełkaziorava: žurnalist mieŭ chraničnuju chvarobu
Anatamavańnie nie vyjaviła prykmiet, jakija mahli b śviedčyć pra toje, što žurnalist Mikita Miełkazioraŭ pamior u vyniku traŭmy, adnak lekary znajšli źmieny, jakija stali vynikam chraničnaha zachvorvańnia. Pra heta «Biełsatu» raskazaŭ pres-sakratar Akruhovaj prakuratury Varšavy Piotr Antonij Skiba.
Mikita Miełkazioraŭ. Fota: «Naša Niva»
Piotr Antonij Skiba adznačyŭ, što sprava ab nienaŭmysnym zabojstvie była prypynienaja ŭ čakańni miedyčnaha zaklučeńnia vynikaŭ sudova-miedyčnaha anatamavańnia i taksikałahičnych daśledavańniaŭ.
«Daśledavańni padčas anatamavańnia nie vyjavili traŭmatyčnych źmienaŭ, jakija b mahli vyklikać śmierć, vyjaŭlenyja źmieny, źviazanyja z chraničnymi chvarobami pamierłaha», — skazaŭ pres-sakratar Akruhovaj prakuratury Varšavy.
Što heta za zachvorvańni, prakuratura nie raskryvaje.
37‑hadovy viadoŭca papularnaha jutub-kanała «Žyćcio-malina» Mikita Miełkazioraŭ niečakana pamior u noč z 20 na 21 śniežnia.
Čytajcie taksama:
Vyjšaŭ apošni vypusk «Žyćcia-maliny» Mikity Miełkaziorava
Vyjšaŭ apošni vypusk «Zahlanie sonca» ź Mikitam Miełkazioravym