Apošniaje intervju Mikita pravioŭ z byłym šmathadovym hałoŭnym redaktaram Biełaruskaj redakcyi Radyjo Svaboda Alaksandram Łukašukom.
Pahladzieć apošni vypusk možna tut
Heta razmova pra žyćcio, Vasila Bykava, Li Charvi Osvalda, Zianona Paźniaka, Stanisłava Šuškieviča i pra mnohaje inšaje.
«Paśla razmovy Mikita napisaŭ u pracoŭny čat: «Łukašuk — krynička sa smačnaj vadoj». I vy zrazumiejecie, čamu. Užo bieź Mikity, ale my pastaralisia pastavić hodnuju kropku», — napisali aŭtary prajekta.
«Mikita, ty sam sabie stvaryŭ pomnik. Chaj jon zastaniecca ŭ tym vyhladzie, u jakim ty nam jaho pakinuŭ. Praciahvać pracu kanała — heta budzie padmanam i siabie, i hledačoŭ. Dziakuj, što hladzieli i padtrymlivali. Dziakuj, što krytykavali i nienavidzieli. Dziakuj, što nie byli abyjakavymi», — zaznačaje »Trybuna» i zaznačaje, što heta apošni vypusk na kanale.
Mikita Miełkazioraŭ raptoŭna pamior 21 śniežnia na 38‑m hodzie žyćcia.
Alaksandr Łukašuk paśla śmierci Mikity padzialiŭsia ŭražańniami ad intervju: «Pra zdaroŭje nie skažu. Było adčuvańnie, što jon stomleny, brakuje enierhii, rysy tvaru byli zapałyja.
Nie było takoj enierhii, jak zvyčajna pry žyvoj maderacyi, kali padchoplivaješ, patrabuješ udakładnieńnia, reahuješ na niejkaje śćviardžeńnie, sam davodziš jaho da absurdu i vymahaješ reakcyi — nie było hulni, humaru. Zvyčajna ŭ talenavitaha maderatara — a jon takim byŭ — heta pakazčyk niedachopu enierhii, moža, nizkaha cisku, ci niejkaj prablemy, jakaja ciśnie. Dumaju, heta budzie vidać na zapisie, kali jaho zrobiać».
Ciapier čytajuć
U Biełarusi množacca placoŭki dla tancaŭ na śviežym pavietry — pahladzicie, jak adpalvajuć razam moładź i piensijaniery ŭ Sierabrancy6
Kamientary
Mnie było ciažka ŭvieś čas čuć ad jaho naprykład: “on, ana, ani” (ci “č” pa-rasiejsku) zamiest “ion, jana, jany”. Naprykancy interv́ju, navat Mikita, vielmi delikatny čałaviek, vymušany byŭ padkazvać spadaru Ł. trapnyja biełaruskija słovy.