Praz marazy ŭ Biełarusi vyras prodaž termabializny ŭ try z pałovaj razy
Tolki za adzin tydzień studzienia — z 5‑ha pa 11‑ie — prodaž termabializny ŭ Biełarusi vyras u 3,6 raza ŭ paraŭnańni z anałahičnym (adnosna ciopłym) pieryjadam letaś. Takimi danymi z Office Life padzialilisia ŭ Mark Formelle.
Ilustracyjnaje fota Mieteavajb
U kampanii taksama skłali hrafik, jaki pakazvaje zaležnaść prodažu termabializny ad tempieratury na vulicy za apošnija hady.
Pry hetym pavialičyć kolkaść tavaru prosta «pa fakcie marozu» vytvorcy nie mohuć: cykł ad raskroju da vypusku hatovaha vyrabu zajmaje dva miesiacy.
U trojcy lidaraŭ pa prodažy ŭ hetyja maroznyja dni stali mužčynskija kalsony, kalsony dla chłopčykaŭ i žanočyja lehinsy. Samyja papularnyja kolery — univiersalny čorny i hrafit.
Apošni tydzień, z 12 pa 19 studzienia, taksama było vielmi marozna, i marazy pratrymajucca jašče niekalki dzion.