U horadzie rasijskich atamščykaŭ dziasiatki ludziej abvaryła kipniem va ŭłasnych kvaterach
Prynamsi 20 čałaviek abvarylisia kipieniem u kvaterach rasijskaha Obninska Kałužskaj vobłaści, adzin pamior u balnicy praz dva tydni paśla atrymanych traŭm. Pryčyna — u šmatpaviarchovikach adsutničajuć abo nie pracujuć termarehulatary vady.
Pavodle źviestak Mash, pieršyja skarhi na praźmierna haračuju vadu pačali pastupać ad haradžan u 20‑ch čysłach śniežnia. Bolšaść paciarpiełych atrymali apioki II i III stupieni — u adnych źjavilisia puchiry, a ŭ inšych litaralna źlezła skura.
Pravierka pakazała, što padčas padrychtoŭki da aciaplalnaha siezona kirujučym kampanijam paviedamili pra niaspraŭnaść rehulataraŭ haračaha vodazabieśpiačeńnia i paprasili ich usio vypravić. Adnak apaviaščeńni byli praihnaravanyja.
Na ciapierašni momant pravaachoŭniki praviali vyjemku dakumientaŭ tolki ŭ adnoj kirujučaj kampanii: u ich domie ad kipieniu čałaviek pamior.
Obninsk — rasijski horad atamščykaŭ, historyja jakoha pačałasia z navukovaha centra dla daśledavańniaŭ u halinie jadziernaj fiziki.
Čytajcie taksama:
j