U roznych rajonach Minska z kranaŭ paciakła «nafta»
U roznych rajonach Minska žychary zaŭvažyli, što vada z krana stała ržavaha koleru, nahadvajučy naftu, piša BG.Media. Videa z takoj źjavaj apublikavaŭ adzin ź minčukoŭ u tyktoku, adznačyŭšy, što prablema zakranuła Centralny, Frunzienski, Maskoŭski, Saviecki i Kastryčnicki rajony. Jon taksama ź ironijaj zaŭvažyŭ: «Pajšła vada haračaja».
U kamientarach ludzi padzialilisia roznymi mierkavańniami. Chtości ličyŭ, što heta narmalna paśla avaryi i časova:
«Nu, a jak vy chacieli? Paśla avaryi zaŭsiody tak»;
«Heta ŭsio časova»;
«Usiakaje byvaje, nichto nie čakaŭ takich marazoŭ!»
Niekatoryja adznačali, što ŭ Minsku takija vypadki zdarajucca redka ŭ paraŭnańni ź inšymi rehijonami Biełarusi. A niekatoryja žychary Frunzienskaha rajona śćviardžali, što vada ŭ ich čystaja, choć byli i skarhi na vielmi haračuju vadu.
Raniej, u listapadzie 2025 hoda, padobnaja prablema ŭžo nazirałasia ŭ Partyzanskim i Zavodskim rajonach — žycharam davodziłasia doŭha źlivać iržavuju vadu, pakul nie pajšła čystaja, što pryvodziła da dadatkovych vydatkaŭ na jaje nahreŭ.
Čytajcie taksama:
Z-za avaryi na ciepłatrasie ŭ Minsku zaŭvažyli marozny smoh. Ci niebiaśpiečny jon?
Ciepłazabieśpiačeńnie ŭ Minsku całkam adnoŭlena
Praz marazy ŭ Biełarusi vyras prodaž termabializny ŭ try z pałovaj razy
U Barysavie taksama zdaryłasia avaryja na ciepłasietkach
Tempieraturu vady ŭ trubach źmienšać paśla zaŭvahi Łukašenki