Ministr enierhietyki Biełarusi Dzianis Maroz raskazaŭ pra toje, jak idzie likvidacyja avaryi na ciepłavoj mahistrali ŭ Minsku, a taksama paviedamiŭ, što krytyka Łukašenki pra tempieraturu vady ŭ trubach pryniataja pad uvahu.
Dzianis Maroz paviedamiŭ, što pa daručeńni Łukašenki Minenierha pryniało miery dla abmiežavańnia režymaŭ pracy sistem aciapleńnia ŭ pieryjady mocnych marazoŭ, kab zabiaśpiečyć ich nadziejnaść i praduchilić takija situacyi nadalej.
Raniej, kamientujučy avaryju, Łukašenka paraiŭ nie rabić tempieraturu ŭ damach zanadta vysokaj, kab zachavać aciaplalnuju sistemu:
«Nu kali b nie 90 hradusaŭ vada ŭ trubach, a 80 i cisk mienšy, — troški chaładniej było b u pakoi. Nie 25, a 20 hradusaŭ. Dastatkova ŭ domie».
Što da pracesu likvidacyi avaryi na ciepłasietkach Minska, to Maroz zajaviŭ:
«A 17.21 adnaŭleńnie vodnaha režymu ciepłavoj mahistrali było zakončana i ŭklučanyja cyrkulacyjnyja pompy dla padačy ciepłanośbita ŭ ciepłamahistral. Možna kazać, što ciepłanośbit padajecca ŭ sistemu horada Minska. Supracoŭnikami Ministerstva enierhietyki, avaryjnymi bryhadami supolna sa słužbami ŽKH viaducca raboty dla zapusku sistem ciepłazabieśpiačeńnia ŭ damach. Upeŭnieny, što ŭ najbližejšy čas ciapło źjavicca va ŭsich kvaterach horada Minska».
U Minsku viartajuć ciapło ŭ damy paśla avaryi na ciepłatrasie
Viartańnie ciapła ŭ kvatery Minska moža zaciahnucca da viečara. Haradžanie apisvajuć maštab avaryi
Łukašenka, jaki nie lubić haračyni, skazaŭ, što batarei ŭ kvaterach mohuć hreć i mienš
Avaryja na ciepłamahistrali ŭ Minsku — žychary piaci rajonaŭ mohuć zastacca z chałodnymi batarejami
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary