U Słucku skrali pamieranskaha špica
Naprykancy minułaha hoda ŭ Słucku achviaraj złačynstva staŭ chatni hadavaniec. Śledčyja orhany raspačali kryminalnuju spravu pa fakcie kradziažu sabaki parody špic.
Zdymak ilustracyjny. Fota: freepik.com
Pavodle materyjałaŭ śledstva, zdareńnie adbyłosia dniom 31 śniežnia. Kala 13‑j hadziny žančyna kala handlovaha centra «Majak» tajemna vykrała sabaku, jaki naležaŭ miascovaj žycharcy.
U vyniku hetaha ŭładalnicy žyvioły była naniesiena majomasnaja škoda na sumu 845 biełaruskich rubloŭ.
19 studzienia Słucki rajonny adździeł Śledčaha kamiteta zavioŭ pa fakcie hetaha zdareńnia kryminalnuju spravu. Dziejańni padazravanaj kvalifikavanyja pavodle častki 1 artykuła 205 Kryminalnaha kodeksa Respubliki Biełaruś.
Čytajcie taksama:
Ciapier Umku možna paviesić na jalincy
«Biełpošta» vypuskaje marki z pamieranskim špicam i inšymi hadavancami