«Biełpošta» vypuskaje marki z pamieranskim špicam i inšymi hadavancami
U Biełarusi źjaviacca novyja paštovyja marki, pryśviečanyja svojskim žyviołam. Čatyry novyja marki płanujuć vypuścić 25 listapada 2025 hoda. Jany ŭvachodziać u sieryju «Dziciačaja fiłatelija», jakaja, jak čakajecca, spadabajecca mnohim.
Na markach namalavanyja roznyja svojskija žyvioły: pamieranski špic, šatłandski pramavuchi kot, chvalisty papuhaj i anhlijskaja kalarovaja marskaja śvinka. Ilustracyi zrabiŭ mastak Alaksandr Micianinaŭ, a dyzajn — Maryna Kreza.
Marki majuć pamier 30×28 mm i vypuskajucca na listach 111×75 mm pa piać štuk z adnym kuponam. Nakład składaje 25 tysiač asobnikaŭ. Taksama jość małyja listy 142×76 mm, dzie raźmieščana 8 marok, z nakładam 3 tysiačy. Kožnaja marka maje naminał N, što adpaviadaje staŭcy za adpraŭku mižnarodnaj prostaj paštovaj kartki niepryjarytetnaj.
U dzień vypusku ŭ Minsku ŭ «Paštovym sałonie» projdzie śpiecyjalnaje hašeńnie «Pieršy dzień». Nabyć novyja marki možna budzie z 25 listapada ŭ internet-kramie «Biełpošty», na sajcie ŭ raździele «Fiłatelija», a taksama ŭ paštovych adździaleńniach pa ŭsioj krainie.
Łukašenka raskrytykavaŭ ptuškafabryki za parušeńnie sanitarnych normaŭ. A sam chadziŭ pa adnoj ź ich z Umkam
Mirsalimava nazvała Umku «sabakam, jaki rochkaje ŭ kadry» i «prynižaje pramoŭlenyja Pucinym słovy i sensy»
Łukašenka pryjšoŭ na vybary z Umkam. Toj pamieciŭ vybarčy ŭčastak
Pavodle novaha zakona, niebiaśpiečnym sabakam moža być pryznany navat špic
Što zdaryłasia sa špicam Łukašenki?
Kamientary