Za chabar zatrymali top-mieniedžara adnaho z najbujniejšych ahrapradpryjemstvaŭ Hrodzienskaj vobłaści
Siłaviki zatrymali 45‑hadovaha namieśnika dyrektara adnaho ź viadučych pradpryjemstvaŭ APK Hrodzienščyny. Siłaviki śćviardžajuć, što top-mieniedžara ŭziali ŭ momant atrymańnia bujnoj sumy hrošaj.
Pavodle źviestak MUS, zatrymańnie pravodzili apieratyŭniki pry padtrymcy śpiecnaza «Ałmaz».
Mužčyna atrymaŭ 58 tysiač dołaraŭ za arhanizacyju adhruzki pradukcyi pradpryjemstva dla nastupnaha prodažu ŭ «susiedniaj dziaržavie». Śledstva śćviardžaje, što mužčyna vykarystoŭvaŭ «chitruju kanśpiracyju», adnak heta nie dapamahło paźbiehnuć zatrymańnia.
U chodzie pravierki vyśvietliłasia, što heta byŭ nie adzinkavy vypadak: ahulnaja suma atrymanych im chabaraŭ pieravyšaje 100 tysiač dołaraŭ.
Zaviedziena kryminalnaja sprava. Zatrymanamu pahražaje da 15 hadoŭ pazbaŭleńnia voli.
Pradpryjemstva, dzie jon pracuje, nie nazyvajecca.