U Varšavie biełarusku abvinavačvajuć u hvałcie nad mužam-ukraincam, jana siem hadoŭ źbivała jaho
38‑hadovaja biełaruska siem hadoŭ abražała i biła svajho muža, hramadzianina Ukrainy.
Hramadzianin Ukrainy źviarnuŭsia ŭ adździaleńnie palicyi varšaŭskaha rajona Žalibož i zajaviŭ, što na praciahu siami hadoŭ padviarhaŭsia hvałtu z boku žonki, hramadzianki Biełarusi, piša Most.
Mužčyna raspavioŭ, što žonka šmat razoŭ pačynała skandały biez nahody, abražała jaho nieprystojnymi słovami, šturchała, biła małatkom i kačałkaj, pahražała skalečyć i zabić.
Biełarusku zatrymali. Joj vystavili abvinavačvańni ŭ psichičnym i fizičnym ździeku nad blizkim čałaviekam.
Prakuror pastanaviŭ uziać žančynu pad palicejski nahlad, a taksama zabaraniŭ joj nabližacca da miesca žycharstva muža bližej čym na adzin mietr.
Biełaruscy pahražaje ad troch miesiacaŭ da piaci hadoŭ pazbaŭleńnia voli.