U Biełarusi źjaviŭsia novy płaciežny servis
U Biełarusi zapuścili servis, jaki značna palahčaje apłatu pasłuh, što akazvajuć klijentam samazaniatyja asoby. Raniej pieravody možna było rabić praz ARIP, ale ciapier praces staŭ jašče praściejšy i chutčejšy dziakujučy novaj funkcyi — «Moj QR», paviedamili ŭ Nacyjanalnym banku.
Zdymak ilustracyjny. Fota: freepik.com
Načalnik Hałoŭnaha ŭpraŭleńnia płaciežnaj sistemy i ličbavych technałohij Nacbanka Anton Padrez raskazaŭ, što dla taho, kab skarystacca servisam, treba zajści na sajt ARIP, abrać svoj bank, uvieści patrebny identyfikatar (jość padkazka) i zhienieravać QR-kod. Hety kod možna adpravić klijentu praź miesiendžar u vyhladzie spasyłki.
Pa słovach Antona Padreza, servis budzie karysny dla samazaniatych asob, bo ciapier im nie treba šukać sposab apłaty svaich pasłuh — QR-kod možna padrychtavać zahadzia i pieradać klijentu.
Taksama płanujecca dalejšaje raźvićcio servisu, kab praź jaho možna było rabić i ŭnutrybankaŭskija płaciažy. Pieravody praz «Moj QR» biaspłatnyja, jak i ŭsie inšyja apieracyi praz ARIP.
Čytajcie taksama:
U niekatorych biełaruskich restaranach možna padzialić rachunak pa QR-kodzie
Na minskich śviatłaforach chutka źjaviacca QR-kody. Dla čaho?
U Biełarusi pačała pracavać novaja sistema imhniennych płaciažoŭ