U Kapyli z dušoj upryhožyli dziciačuju biblijateku. Vycinankami z Puškinym, Lermantavym i Jasieninym FOTAFAKT
Dla biełaruskich piśmieńnikaŭ u biblijatecy imia biełaruskaha paeta Anatola Astrejki miesca nie znajšłosia.
Vokny Kapylskaj dziciačaj biblijateki ŭpryhožyli partretami paetaŭ i ich cytatami. Stvaralniki ekspazicyi abrali dla hetaha Alaksandra Puškina, Siarhieja Jasienina i Michaiła Lermantava.
«Na škle — vycinanki z partretami ruskich kłasikaŭ. Kožny tvar — niby ažyłaja staronka historyi litaratury. Kolki ž pracy, ciarpieńnia i lubovi da kultury patrebna, kab uručnuju vyrazać takuju pryhažość! Heta — sapraŭdny zimovy pakłon vialikim imionam», — adznačaje miascovaja rajonka.
Nivodnaha biełaruskaha tvorcy na voknach biblijateki niama. Pry hetym na terytoryi ciapierašniaha Kapylskaha rajona naradzilisia Ciška Hartny, Adam Babareka, Aleś Adamovič, a taksama Anatol Astrejka — čyim imieniem i nazvanaja rajonnaja biblijateka.
Zahadčycaj dziciačaj biblijateki pracuje Valancina Kaminskaja.