Amierykanski ekstremał zrabiŭ nievierahodnaje: biez strachoŭki padniaŭsia na chmaračos na 500 mietraŭ VIDEA
Znakamity amierykanski skałałaz Aleks Chonald ździejśniŭ niejmaviernaje ŭzychodžańnie, padniaŭšysia na samy vysoki budynak Tajvania — chmaračos «Tajbej 101». Ekstremał pieraadoleŭ vyšyniu 509 mietraŭ biez vykarystańnia śpiecyjalnaha ryštunku ci strachovačnych trosaŭ.
Uvieś praces tranśliravaŭsia ŭ pramym efiry servisam Netflix, a ŭnizie za padziejaj nazirali natoŭpy ludziej.
Uzychodžańnie zaniało paŭtary hadziny. Samaj składanaj častkaj maršrutu stała siaredniaja siekcyja budynka, jakaja składajecca z vaśmi błokaŭ, što nahadvajuć kaleny bambuka. Kožny taki siehmient uklučaje vosiem pavierchaŭ adviesnaha padjomu z navisłymi ścienami, jakija zakančvajucca bałkonami.
Pieršapačatkova akcyja była zapłanavana na 23 studzienia, adnak praz doždž u Tajbei jaje pryjšłosia adkłaści na sutki, pakul pavierchnia budynka nie stała biaśpiečnaj dla chvatu.
Aleks Chonald maje status suśvietnaj zorki ekstremalnaha sportu. U 2017 hodzie jon staŭ pieršym čałaviekam, jaki biez strachoŭki skaryŭ 900‑mietrovuju haru El-Kapitan u ZŠA. Film «Fry-soła», źniaty pra toje ŭzychodžańnie, atrymaŭ premiju «Oskar» jak najlepšaja dakumientalnaja stužka.