U Biełarusi znajšli novy vid žukoŭ
Žuka znajšli ŭ Nacyjanalnym parku «Prypiacki» pad karoj suchoha pavalenaha duba.
U Biełarusi znajšli novy vid žukoŭ. Pra heta biełaruskija navukoŭcy (Pryščepčyk, Aleksandrovič, Sinčuk) paviedamili ŭ rasijskim časopisie Far Eastern Entomologist, źviarnuŭ uvahu kanał «De facto. Biełaruskaja navuka».
Novy dla faŭny Biełarusi vid Troglops albicans znajšli padčas daśledavańnia ŭ Nacyjanalnym parku «Prypiacki» ŭ 2025 hodzie — jon znachodziŭsia pad karoj suchoha pavalenaha duba. Samiec žuka maje daŭžyniu cieła 3 milimietry.
Troglops albicans raspaŭsiudžany ŭ asnoŭnym u Centralnaj Jeŭropie, ale taksama sustrakajecca ŭ Paŭdniovaj i Uschodniaj, na Kaŭkazie i Blizkim Uschodzie. Takim čynam Biełaruś moža ŭjaŭlać saboj biahučuju paŭnočnuju miažu raspaŭsiudžvańnia vidu.