Dvuch biełarusaŭ zatrymali na vychadzie z kramy ŭ Hiermanii
Incydent adbyŭsia ŭ čaćvier.
Fota: niamieckaja palicyja
U niamieckim horadzie Nojs (Paŭnočny Rejn — Viestfalija) dvoje biełarusaŭ va ŭzroście 34 i 21 hoda i adzin rasijanin 26 hadoŭ padazrajucca ŭ sprobie kradziažu tavaraŭ z kramy, paviedamlaje «Biełaruś i śviet».
Incydent adbyŭsia ŭ čaćvier, 22 studzienia, u handlovym abjekcie na vulicy Niderštrase. Dziejańni mužčyn zafiksavała sistema videanazirańnia. Jany sprabavali vynieści biez apłaty tavary, źniaŭšy ź ich achoŭnyja birki.
Na vychadzie da padazravanych padyšli supracoŭniki achovy kramy. Tyja pasprabavali ŭciačy, što pryviało da sutyčki. Na ščaście, nichto nie paciarpieŭ.
Dvuch mužčyn zatrymali adrazu na miescy, a treciaha, jaki paśpieŭ uciačy, paźniej pa apisańni zatrymali palicejskija ŭ aŭtobusie. Skradzienyja rečy, košt jakich aceńvaŭsia tysiačami jeŭra, viernutyja.
Dvoje z troch aryštavanych užo byli viadomyja pravaachoŭnikam pa anałahičnych pravaparušeńniach.