Dełsi Radryhies zaklikała palitykaŭ Vieniesueły da dyjałohu dla pieraadoleńnia kryzisu
Časovaja kiraŭnica Vieniesueły Dełsi Radryhies zaklikała palitykaŭ krainy spynić zaležnaść ad zamiežnych pryncypaŭ i nadać pryjarytet unutranamu dyjałohu dla pieraadoleńnia kryzisu. Pra heta jana zajaviła ŭ zvarocie da naftavikoŭ na NPZ u Puerta-ła-Krus, pieradaje Ultimas Noticias.
Fota: Jesus Vargas / Getty Images
«Chopić zahadaŭ Vašynhtona adnosna palityki ŭ Vieniesuele; mienavita vieniesuelskaja palityka vyrašaje našy roznahałośsi i ŭnutranyja kanflikty», — skazała jana, padkreśliŭšy, što adziny sposab abaranić suvierenitet krainy — nacyjanalnaje adzinstva.
Radryhies adznačyła, što supiarečnaści z ZŠA buduć vyrašacca z dapamohaj «balivaranskaj dypłamatyi».
«My nie baimsia, bo kali niešta i pavinna abjadnoŭvać nas jak narod, dyk heta zabieśpiačeńnie miru i spakoju na hetaj radzimie», — dadała jana.