Marharyta Simańjan upieršyniu paśla chimijaterapii pakazała siabie biez paryka
Rasijskaja prapahandystka z vosieni 2025 hoda zmahajecca z rakam hrudziej.
Pra svaju chvarobu Simańjan pačała adkryta kazać u vieraśni. Paźniej jana źviazała ŭźniknieńnie ankałohii ź ciažkim stresam, jaki pieražyła z-za chvaroby muža: prapahandyst Tyhran Kieasajan u śniežni 2024 hoda ŭpaŭ u komu, pamior u vieraśni 2025 hoda, pravioŭšy amal hod u nieprytomnym stanie.
Paśla niekalkich kursaŭ chimijaterapii Simańjan źjaŭlałasia ŭ efiry tok-šou Uładzimira Sałaŭjova, adnak tady vykarystoŭvała paryk.
Ciapier Simańjan upieršyniu apublikavała fatahrafiju paśla chimijaterapii biez paryku.
«Ničoha nie bojciesia. Boh jość, a śmierci niama», — padpisała jana fatahrafiju.