Pamior rasijski prapahandyst Tyhran Kieasajan. Dzieviać miesiacaŭ jon pralažaŭ u komie
Pra heta paviedamiła jaho žonka, hałoŭny redaktar Russia Today Marharyta Simańjan.
Kinarežysior i prapahandyst dzieviać miesiacaŭ pravioŭ u komie.
Tyhranu Kieasajanu było 59 hadoŭ. Z 2016 hoda jon vioŭ na telekanale NTV viačerniaje zabaŭlalnaje satyryčnaje šou «Mižnarodnaja piłarama», praź jakoje pravodziŭ usie asnoŭnyja rasijskija prapahandysckija naratyvy.
Jak u prahramach Kieasajana žartavali pra pratesty ŭ Biełarusi? Voś kłasičnaja scenka:
- — Čaho vam nie chapaje?
- — Hrošaj.
- — A kim vy pracujecie?
- — A ja nie pracuju.
- — Dyk što vas nie zadavalniaje?
- — Ščyra? Cycki maleńkija.
28 lutaha 2022 hoda, paśla ŭvarvańnia Rasii va Ukrainu, Tyhran Kieasajan byŭ uklučany ŭ sankcyjnyja śpisy Jeŭrapiejskaha sajuza za padtrymku palityki, jakaja padryvaje terytaryjalnuju cełasnaść Ukrainy i pahražaje jaje niezaležnaści i suvierenitetu. Pavodle arhumientacyi, u svajoj prahramie Kieasajan «paśladoŭna adlustroŭvaŭ Ukrainu jak słabuju i karumpavanuju krainu, jakaja trymałasia tolki dziakujučy dapamozie Zachadu… Jon mierkavaŭ, što ŭkrainskija ŭłady nielehitymnyja. Jon nieadnarazova śćviardžaŭ, što Krym naležyć Rasii i što Danbas nie častka Ukrainy».
Paśla taho Tyhrana Kieasajana ŭnosili ŭ sankcyjnyja śpisy mnohich krain, u tym liku i za padtrymku poŭnamaštabnaj vajny va Ukrainie.
Z Marharytaj Simańjan Kieasajan aficyjna pabraŭsia šlubam u 2022 hodzie, ale faktyčna jany žyli razam z 2012-ha, majučy troch ahulnych dziaciej.
Viadoma, što raniej Kieasajan pieranios dva infarkty. Adbyłosia heta ŭ 2008 i 2010 hadach.
Niadaŭna Marharyta Simańjan paviedamiła, što ŭ jaje rak.
Kamientary
[Zredahavana]