Cichanoŭskaja abmierkavała ź ministram zamiežnych spraŭ Ukrainy detali pryznačeńnia novaha śpiecpasłańnika ŭ Biełarusi
Padčas uračystaściaŭ u Vilni (Litva) z nahody hadaviny paŭstańnia 1863—1864 hadoŭ adbyłasia asobnaja razmova lidarki biełaruskich demakratyčnych siłaŭ Śviatłany Cichanoŭskaj ź ministram zamiežnych spraŭ Ukrainy Andrejem Sibiham. Pra heta «Biełsatu» raspavioŭ dypłamatyčny daradca Śviatłany Cichanoŭskaj Dzianis Kučynski.
Chris J Ratcliffe Bloomberg via Getty Images
«Taksama vielmi pazityŭnaja dobraja kamunikacyja. Zaraz znachodzimsia taksama ŭ kantakcie ź im, ź jahonaj kamandaj, z kamandaj prezidenta [Ukrainy]», — adznačyŭ Dzianis Kučynski.
Pavodle jaho, siarod inšaha z Andrejem Sibiham byli abmierkavanyja detali pryznačeńnia novaha śpiecpradstaŭnika Ukrainy pa Biełarusi.
Pasada śpiecpradstaŭnika Ukrainy ŭ pytańniach Biełarusi zastajecca vakantnaj z momantu adstaŭki ŭ lutym 2025 hoda Ihara Kizima. Pryznačeńnie pierajemnika na hetuju pasadu abmiarkoŭvałasia taksama padčas pieršaj dvuchbakovaj sustrečy Śviatłany Cichanoŭskaj i Uładzimira Zialenskaha, što adbyłasia ŭ Vilni 25 studzienia.
Čytajcie taksama:
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ
Zialenski znoŭ zhadaŭ Biełaruś i kamandu Cichanoŭskaj
Naŭsieda, Naŭrocki, Zialenski i Cichanoŭskaja ŭskłali kvietki ŭ pamiać ab paŭstancach