Ціханоўская абмеркавала з міністрам замежных спраў Украіны дэталі прызначэння новага спецпасланніка ў Беларусі
Падчас урачыстасцяў у Вільні (Літва) з нагоды гадавіны паўстання 1863—1864 гадоў адбылася асобная размова лідаркі беларускіх дэмакратычных сілаў Святланы Ціханоўскай з міністрам замежных спраў Украіны Андрэем Сібігам. Пра гэта «Белсату» распавёў дыпламатычны дарадца Святланы Ціханоўскай Дзяніс Кучынскі.
Chris J Ratcliffe Bloomberg via Getty Images
«Таксама вельмі пазітыўная добрая камунікацыя. Зараз знаходзімся таксама ў кантакце з ім, з ягонай камандай, з камандай прэзідэнта [Украіны]», — адзначыў Дзяніс Кучынскі.
Паводле яго, сярод іншага з Андрэем Сібігам былі абмеркаваныя дэталі прызначэння новага спецпрадстаўніка Украіны па Беларусі.
Пасада спецпрадстаўніка Украіны ў пытаннях Беларусі застаецца вакантнай з моманту адстаўкі ў лютым 2025 года Ігара Кізіма. Прызначэнне пераемніка на гэтую пасаду абмяркоўвалася таксама падчас першай двухбаковай сустрэчы Святланы Ціханоўскай і Уладзіміра Зяленскага, што адбылася ў Вільні 25 студзеня.
Чытайце таксама:
Ціханоўская і Зяленскі ўпершыню правялі сустрэчу. Зяленскі запрасіў Святлану ў Кіеў
Зяленскі зноў згадаў Беларусь і каманду Ціханоўскай
Наўседа, Наўроцкі, Зяленскі і Ціханоўская ўсклалі кветкі ў памяць аб паўстанцах