Zołata nie spynić, nie strymać, jano ŭžo $5100 za uncyju
Tolki ŭčora była pierasiahnutaja adznaka piać tysiač dalaraŭ.
Fota Osaka / Wayne Studio / Getty Images
A 10‑j hadzinie ranicy pa minskim časie krasavickija fjučarsy na zołata pradavalisia pa $5125—5128 za trojskuju uncyju. Pavodle źviestak Investing.com, na maksimumie minułaj nočču kaštoŭny mietał kaštavaŭ bolš za $5138.
Spotavaja cana zołata znoŭ vyrasła amal na 2,5%. Pry hetym adznaku $5 tysiač jana pieraadoleła tolki ŭ paniadziełak ranicaj, 26 studzienia.
Jak ličać ekśpierty, asnoŭnaja pryčyna rostu zołata — rost hieapalityčnaj napružanaści ŭ śviecie. Da taho ž usie praciahvajuć čakać čarhovaha źnižeńnia pracentnych stavak u ZŠA.
Adnak što da pierśpiektyŭ, mierkavańni razychodziacca. Pavodle analitykaŭ, finansavyja i hieapalityčnyja faktary jašče niejki čas buduć šturchać canu zołata ŭhoru. Razam z tym na rynku narastaje ryzyka karekcyi, tamu dalejšyja ŭkładańni ŭ zołata ciapier źviazanyja z vysokaj vierahodnaściu adkatu, ličać ekśpierty Investing.
U minułym hodzie cana na zołata vyrasła na 64 pracenty, z pačatku hetaha hoda ŭžo amal 15 pracentaŭ