Biełaruskija draniki zaniali 14‑je miesca ŭ suśvietnym topie straŭ z bulby

Biełaruskija draniki ŭvajšli ŭ suśvietny top-50 najlepšych straŭ z bulby pavodle hastranamičnaha hida TasteAtlas. U ahulnym rejtynhu jany zaniali 14‑ie miesca, atrymaŭšy adznaku 4,2 bała. Aŭtary śpisu nazyvajuć draniki samaj charakternaj i paznavalnaj biełaruskaj stravaj.

Zdymak ilustracyjny. Fota: Getty Images

Pieršaje miesca ŭ rejtynhu dastałosia łatvijskim bulbianym aładkam, dalej iduć anałahičnyja stravy sa Słavakii i Litvy, a paśla francuzskaja bulba «Anna» i ispanskaja tartylja.

U apisańni padkreślivajecca, što biełaruskija draniki hatujuć ź ciortaj bulby z dadavańniem muki, jajek, małaka, cybuli i śpiecyj, smažać da załacistaj skarynački i zvyčajna padajuć sa śmiatanaj. U jakaści dadatku taksama mohuć vykarystoŭvacca hryby, skvarki, mak abo navat sadavina.

Akramia taho, zaraz draniki zajmajuć 10‑ie miesca ŭ śpisie samych papularnych straŭ na sajcie TasteAtlas. U ahulnym rejtynhu nacyjanalnych kuchniaŭ śvietu za 2025—2026 hady biełaruskaja kuchnia raźmiaściłasia na 79‑j pazicyi z acenkaj 4,00 bała.

TasteAtlas isnuje z 2018 hoda i pazicyjanuje siabie jak atłas suśvietnaj kuchni, a jaho rejtynhi składajucca na padstavie vodhukaŭ karystalnikaŭ.

Kamientary da artykuła