Biełaruska debiutavała ŭ Chanel FOTAFAKT
Biełaruskaja madel Alaksandra Batura ŭziała ŭdzieł u Tydni vysokaj mody ŭ Paryžy: dziaŭčyna vyjšła na podyum, prezientujučy kalekcyju Chanel viasna—leta 2026.
Alaksandra supracoŭničaje ź mižnarodnym ahienctvam Women Management Milano, jakoje prezientuje adnych z samych zornych madelaŭ śvietu: naprykład, Naomi Kempbeł i Natallu Poli.
Alaksandra Batura na podyumie i ŭ hrymiorcy. Fota: instahram @baturaliaksandra
Raniej 21‑hadovaja biełaruska zdymałasia dla Dolce&Gabbana, MM6 Maison Margiela, Louis Vuitton, źjaŭlałasia na vokładkach časopisaŭ L'Officiel, Cosmopolitan, Vogue.
Alaksandra žyvie ŭ Minsku i supracoŭničaje z madelnym ahienctvam Nahornaha. U madelinhu jana ŭžo 8 hadoŭ.
«Kali ŭžo heta hod biełaruskaj žančyny, to lepš taki», —prakamientavali padzieju ŭ telehram-kanale pra cikavostki biełaruskaj i suśvietnaj mody «Harpij bazar».