Zialenski pryznačyć śpiecpradstaŭnika pa Biełarusi
Zialenski sustreniecca ź niekalkimi dypłamatami, jakich razhladaje na hetuju pasadu.
Fota: Pres-słužba prezidenta Ukrainy
Uładzimir Zialenski zajaviŭ siońnia pra namier pryznačyć upaŭnavažanaha pa pytańniach Biełarusi i padkreśliŭ nieabchodnaść padtrymki demakratyčnych sił u Biełarusi. Pra heta kiraŭnik dziaržavy paviedamiŭ padčas razmovy žurnalistam.
«Ja ŭpraŭnavažanaha pa Biełarusi nie pryznačaŭ. Chaču pryznačyć», — skazaŭ prezident Ukrainy.
Zialenski raskazaŭ, što imkniecca sustrecca ź niekalkimi dypłamatami, jakich razhladaje na adpaviednuju pasadu.
«Chaču mocnuju asobu na pasadu ŭpraŭnavažanaha pa Biełarusi. Liču, što heta pravilna. Treba padtrymlivać namahańni demakratyčnych sił Biełarusi», — padkreśliŭ Zialenski
25 studzienia padčas sustrečy ź Zialenskim u Vilni Śviatłana Cichanoŭskaja prapanavała Ukrainie pryznačyć śpiecyjalnaha pasłańnika pa pytańniach Biełarusi.