Prezident Ukrainy siońnia padčas sustrečy z žurnalistami zajaviŭ, što Kijeŭ nie addaść Danbas i Zaparožskuju AES biez boju.
Taksama Zialenski zaznačyŭ, što pamiž Ukrainaj i Rasijaj nie było nijakich pramych pieramoŭ ci pramych pahadnieńniaŭ ab spynieńni ŭdaraŭ pa enierhietyčnych abjektach.
Pavodle kiraŭnika Ukrainy, akramia dvuch prablemnych pytańniaŭ, Ukraina zhadžajecca ź inšymi punktami amierykanskaha mirnaha płana. U toj ža čas ukrainski bok spadziajecca na siłu ZŠA, jakaja zmoža prymusić rasijan vykonvać hetyja punkty.
«Ja nazyvaju heta amierykanskim płanam. My publična viadziom dyskusiju mienavita tak. Heta amierykanski płan, u jakim siońnia jość 20 punktaŭ. My pracujem nad dvuma punktami. Što datyčycca astatnich punktaŭ, jakija ŭ hetym płanie jość, my zhadžajemsia. Heta maja pazicyja. I my spadziajomsia na siłu Złučanych Štataŭ Amieryki, kab rasijski bok taksama zhadžaŭsia z usimi punktami, jakija Amieryka raspracavała, akramia taho, što my ŭžo čuli», — adznačyŭ Zialenski.
Prezident Ukrainy zajaviŭ, što choča padpisać harantyi biaśpieki da finalnaha rašeńnia ab zaviaršeńni vajny.
Jon adznačyŭ, što prosta dekłaracyj «kaalicyi rašučych» ab hatoŭnaści ŭvieści vojski va Ukrainu niedastatkova, bo parłamienty hetych krain ich nie zaćvierdzili.
Zialenski taksama vyklučyŭ mahčymaść pieramovaŭ u Maskvie ci Minsku, ale zaprasiŭ Pucina ŭ Kijeŭ.
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»26
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary