Biełaruski majstar stvaraje ŭnikalnyja miechaničnyja hadzińniki z dreva

Biełaruski raźbiar pa drevie Andrej Martyniuk žyvie ŭ vioscy Stańkava Dziaržynskaha rajona i stvaraje ŭnikalnyja miechaničnyja hadzińniki, całkam zroblenyja z dreva — biez anivodnaj mietaličnaj detali, piša Sputnik.

Andrej Martyniuk. Skrynšot ź videa

Majstar pakazaŭ žurnalistam, jak źbiraje składanyja miechanizmy vyklučna z draŭlanych elemientaŭ, a taksama prademanstravaŭ inšyja svaje raboty: roznyja hałavałomki, astranamičnyja hadzińniki z adlustravańniem faz Miesiaca, kampazicyi z partretami viadomych asob i inšyja ruchomyja kanstrukcyi.

Skrynšot ź videa

Samym maštabnym tvoram u majsterni majstra źjaŭlajecca mini-teatr na ŭsiu ścianu. Unutry ruchajucca lalečnyja fihurki, i, jak adznačaje Andrej, kožnaja ź ich maje realnaha pratatypa siarod žycharoŭ jaho vioski.

Skrynšot ź videa

Pa adukacyi Martyniuk — inžynier elektrasuviazi. Raźboj pa drevie jon spačatku zajmaŭsia dla dušy, ale z časam heta chobi stała spravaj usiaho žyćcia. U svajoj tvorčaści majstar złučyŭ dakładnuju techniku i mastackuju raźbu.

Skrynšot ź videa

Pierad stvareńniem kožnaha miechanizmu Andrej robić vielmi dakładnyja raźliki, raspracoŭvaje 3D-madel na kampjutary, i tolki paśla hetaha prystupaje da pracy na stankach. Usie detali šlifujucca i padhaniajucca ŭručnuju z maksimalnaj dakładnaściu, amal jak u juvielirnaj spravie.

Skrynšot ź videa

Kamientary da artykuła