Беларускі майстар стварае ўнікальныя механічныя гадзіннікі з дрэва

Беларускі разьбяр па дрэве Андрэй Мартынюк жыве ў вёсцы Станькава Дзяржынскага раёна і стварае ўнікальныя механічныя гадзіннікі, цалкам зробленыя з дрэва — без аніводнай металічнай дэталі, піша Sputnik.

Андрэй Мартынюк. Скрыншот з відэа

Майстар паказаў журналістам, як збірае складаныя механізмы выключна з драўляных элементаў, а таксама прадэманстраваў іншыя свае работы: розныя галаваломкі, астранамічныя гадзіннікі з адлюстраваннем фаз Месяца, кампазіцыі з партрэтамі вядомых асоб і іншыя рухомыя канструкцыі.

Скрыншот з відэа

Самым маштабным творам у майстэрні майстра з’яўляецца міні-тэатр на ўсю сцяну. Унутры рухаюцца лялечныя фігуркі, і, як адзначае Андрэй, кожная з іх мае рэальнага прататыпа сярод жыхароў яго вёскі.

Скрыншот з відэа

Па адукацыі Мартынюк — інжынер электрасувязі. Разьбой па дрэве ён спачатку займаўся для душы, але з часам гэта хобі стала справай усяго жыцця. У сваёй творчасці майстар злучыў дакладную тэхніку і мастацкую разьбу.

Скрыншот з відэа

Перад стварэннем кожнага механізму Андрэй робіць вельмі дакладныя разлікі, распрацоўвае 3D-мадэль на камп’ютары, і толькі пасля гэтага прыступае да працы на станках. Усе дэталі шліфуюцца і падганяюцца ўручную з максімальнай дакладнасцю, амаль як у ювелірнай справе.

Скрыншот з відэа

Каментары да артыкула