Łukašenka patłumačyŭ, čamu raptoŭnaja pravierka Uzbrojenych sił pravodziłasia biez Hienštaba i Minabarony
Alaksandr Łukašenka siońnia rastłumačyŭ, čamu niadaŭniaja niečakanaja pravierka hatoŭnaści Uzbrojenych sił była abvieščana niepasredna, biez papiaredniaha infarmavańnia Hienštaba i ministra abarony.
Fota: Alexander Kazakov, Sputnik, Kremlin Pool Photo via AP
Alaksandr Łukašenka adznačyŭ, što paśla abviaščeńnia pravierki Uzbrojenych sił pačali źjaŭlacca raspaŭsiudžvańni ad «źbiehłych» (tak ułady nazyvajuć apanientaŭ za miažoj — NN): «Oj, nie daviaraje ministru abarony, nie daviaraje Hienštabu».
«Ja ŭsim daviaraju. Ale heta — raptoŭnaja pravierka, jakuju pravodzić Hałoŭnakamandujučy. I ja chaču pahladzieć, jak u hetaj raptoŭnaj praviercy buduć dziejničać Hienštab i Ministerstva abarony», — skazaŭ jon.
Maŭlaŭ, u hetym i zaklučajecca istotnaje adroźnieńnie raptoŭnaj pravierki ad lubych inšych, jakija taksama pravodziacca va Uzbrojenych siłach.