U vioscy pad Ašmianami jość asobnyja mohiłki, na jakich pachavanyja ŭ asnoŭnym niemaŭlaty

U vioscy Barancy ŭ Ašmianskim rajonie prosta kala chat znachodziacca nievialikija mohiłki z maleńkimi kryžami. Hetaje dziŭnaje miesca zaŭvažyŭ padčas kalady probašč kaścioła ŭ Župranach ksiondz Artur Lašnieŭski i vykłaŭ videa ź miascovaj žycharkaj, jakaja kłapocicca pra daŭnija mohiłki, zaŭvažyła vydańnie Katolik.life.

Babula Janina raskazała, što tut pachavanyja 10 niemaŭlat, jakija pamierli va ŭzroście da adnaho hoda, a taksama troje darosłych. Peŭny čas miesca było zakinutaje, ale žančyna rasčyściła jaho i ciapier štohod va ŭračystaść Usich śviatych zapalvaje tut śviečki.

Adnak ź videa nie było zrazumieła, čamu hetych dziaciej i darosłych pachavali asobna. Vidać, raniej tut byŭ uskrajek vioski, a potym susiednija nadzieły zabudavali.

U kamientarach patłumačyli: u hetym rehijonie kaliści byŭ zvyčaj asobna chavać pamierłych, jakija nie byli achryščanyja. Tamu bolšaść — niemaŭlaty, što nie dažyli da chrostu. Takija miescy ŭ narodzie nazyvali «mahiłački».

Kamientary da artykuła