U Abu-Dabi startavaŭ druhi raŭnd pieramovaŭ Rasii i Ukrainy pry pasiarednictvie ZŠA
Sustrečy projduć u zakrytym režymie i, jak čakajecca, praciahnucca dva dni.
Pieramovy startavali ŭ trochbakovym farmacie — Ukraina, ZŠA i Rasija, paćvierdziŭ sakratar Rady nacyjanalnaj abarony i biaśpieki Rustem Umieraŭ.
Pa słovach sakratara RNBA, jaki źjaŭlajecca kiraŭnikom ukrainskaj delehacyi, dalej — praca ŭ asobnych hrupach pa napramkach, paśla čaho zapłanavana paŭtornaja sumiesnaja sinchranizacyja pazicyj.
«Pracujem u miežach vyraznych dyrektyŭ prezidenta Uładzimira Zialenskaha dla dasiahnieńnia hodnaha i praciahłaha miru. Ab chodzie kožnaha etapu pieramoŭ infarmujem kiraŭnika dziaržavy», — dadaŭ Rustem Umieraŭ.
Rasijskuju delehacyju, jak i minuły raz, uznačalvaje načalnik Hałoŭnaha ŭpraŭleńnia Hienštaba Ihar Kaściukoŭ.