Biełarusu admovili ŭ polskim hramadzianstvie praz drobny štraf čatyrochhadovaj daŭniny
Biełarusu, jaki vosiem hadoŭ žyvie ŭ Polščy na padstavie pastajannaha dazvołu na žycharstva, atrymanaha pa Karcie palaka, admovili ŭ polskim hramadzianstvie z-za drobnaha štrafu. Infarmacyja pra heta źjaviłasia ŭ adnym z tematyčnych čataŭ, piša Biełaruskaja słužba Polskaha radyjo.
Fota: Most
U adkazie ad imia mazavieckaha vajavody havorycca, što padčas pravierki byŭ ustanoŭleny fakt pakarańnia biełaruskaha hramadzianina za parušeńnie PDR štrafam u pamiery 200 złotych (kala 50 dalaraŭ). Pry hetym biełarus byŭ aštrafavany 17 žniŭnia 2021 hoda, a ŭžo praz dva dni, 19 žniŭnia, hety štraf apłaciŭ.
«Štraf, jakim byŭ pakarany zamiežnik, śviedčyć pra toje, što zamiežnik nie pavažaje i nie vykonvaje polskaje zakanadaŭstva», — havorycca ŭ adkazie.
U im taksama adznačajecca, što pavodziny biełarusa — prykład «ihnaravańnia polskaha zakanadaŭstva».
Skrynšot admovy
Nieviadoma, za što mienavita biełarus atrymaŭ štraf, adnak jaho nievialiki pamier na fonie vielmi vysokich štrafaŭ za parušeńni PDR u Polščy śviedčyć pra toje, što heta, chutčej za ŭsio, zusim drobnaje pravaparušeńnie.
Ciapier zamiežnych hramadzian, jakija imknucca atrymać polski pašpart, praviarajuć z usich bakoŭ. Akramia Ahienctva ŭnutranaj biaśpieki, palicyi i pamiežnaj słužby, zapyty taksama nakiroŭvajucca ŭ padatkovuju i transpartnuju inśpiekcyi i municypalnuju palicyju (Straż miejska).
Čytajcie taksama:
Čempijon Polščy pa boksie, što raptoŭna viarnuŭsia ŭ Biełaruś, patłumačyŭ niečakanaje viartańnie
«Ty ź inšaha ciesta». Jak zastavacca biełarusami za miažoj samim i hadavać imi dziaciej
Biełaruskija dalnabojščyki masava cikaviacca «pašpartami RR». Voś jak taki pašpart robicca