Minčanka vyratavała lebiedzia, jakoha dziaŭbli varony na Kamsamolskim voziery
5 lutaha na Kamsamolskim voziery ŭ Minsku nieabyjakavaja haradžanka vyratavała lebiedzia, jaki staŭ achviaraj napadu varon. Ptušku, jakaja znachodziłasia ŭ vadzie, dastavili na bierah, paśla čaho joj akazali nieabchodnuju dapamohu, piša «Źviazda».
Incydent adbyŭsia na lodzie, dzie varony pačali dziaŭbci asłablenaha lebiedzia. Žančyna, jakaja prachodziła mima, nie zastałasia abyjakavaj i samastojna dastała ptušku z vady.
Na dapamohu joj apieratyŭna pryjšli rabotniki kamunalnaj słužby, jakija dapamahli pieranieści lebiedzia na vyratavalnuju stancyju «Kamsamolskaje voziera».
Na stancyi niezvyčajnaha pacyjenta adahreli, napaili i nakarmili. A paśla supracoŭniki stancyi źviazalisia sa śpiecyjalistami z pryrodaachoŭnaj ustanovy «Siryn».
Novy padapiečny pavodziŭ siabie aktyŭna: šypieŭ na ratavalnikaŭ i navat uščypnuŭ vadałaza za ruku.
Čytajcie taksama:
U marazy ptuškam patrebna naša padtrymka. Jak ich pravilna karmić