Tramp adkryta vykazaŭ padtrymku Viktaru Orbanu na vybarach
Prezident ZŠA Donald Tramp adkryta vykazaŭ padtrymku premjer-ministru Vienhryi Viktaru Orbanu pierad budučymi vybarami i pažadaŭ jamu paŭtorna pieraabracca na pasadu.
Viktar Orban i Donald Tramp. Fota: Krisztian Bocsi / Bloomberg via Getty Images
U svaim paviedamleńni ŭ sacyjalnaj sietcy Truth Social Tramp nazvaŭ Orbana «mocnym i ŭpłyvovym lidaram», jaki kłapocicca pra raźvićcio ekanomiki, stvareńnie pracoŭnych miescaŭ, baraćbu ź niezakonnaj mihracyjaj i padtrymku paradku ŭ krainie.
Jon taksama adznačyŭ, što adnosiny pamiž ZŠA i Vienhryjaj pry jaho administracyi dasiahnuli «novych vyšyń supracoŭnictva i ŭražvalnych vynikaŭ» i što jon padtrymlivaŭ Orbana ŭžo padčas vybaraŭ 2022 hoda.
Pakul Tramp nie paviedamiŭ, ci naviedaje Vienhryju da vybaraŭ. Orban nieadnarazova vykazvaŭ žadańnie bačyć prezidenta ZŠA ŭ Budapiešcie i navat atrymaŭ ad jaho paćvierdžańnie hatoŭnaści prybyć u krainu, ale biez kankretnych dat.
Asabista apošni raz palityki sustrakalisia na Suśvietnym ekanamičnym forumie ŭ Davosie ŭ kancy studzienia 2026 hoda.
Čytajcie taksama:
Orban: U najbližejšyja sto hadoŭ Vienhryja nie dazvolić Ukrainie stać členam ES
Zialenski ŭ Davosie publična zaklikaŭ Jeŭropu dać Orbanu pa karku. Orban adkazaŭ
Orban — pakul adziny ź lidaraŭ u ES, chto pahadziŭsia na členstva ŭ Radzie miru Trampa