Zialenski ŭ Davosie publična zaklikaŭ Jeŭropu dać Orbanu pa karku. Orban adkazaŭ
Vystupajučy 22 studzienia na Suśvietnym ekanamičnym forumie ŭ Davosie, prezident Ukrainy Uładzimir Zialenski siarod inšaha zajaviŭ, što «kožny Viktar, jaki žyvie na jeŭrapiejskija hrošy, sprabujučy pradać jeŭrapiejskija intaresy, zasłuhoŭvaje atrymańnia pa karku». Jon nie ŭdakładniŭ, kaho mienavita mieŭ na ŭvazie, ale va Ukrainie i Jeŭropie ŭspryniali heta jak namiok na premjer-ministra Vienhryi Viktara Orbana. Sam jon jaho taksama pryniaŭ na svoj rachunak.
U svaim kamientary na heta vykazvańnie, apublikavanym u sacsietcy X, Viktar Orban padkreśliŭ, što nie źbirajecca šukać «uzajemarazumieńnia» ź Zialenskim. Jon adznačyŭ, što źjaŭlajecca «volnym čałaviekam, jaki słužyć vienhierskamu narodu», a nie čužym intaresam.
Akramia taho, premjer Vienhryi nazvaŭ Zialenskaha «čałaviekam u adčajnym stanoviščy», jaki ŭžo čaćviorty hod nie moža abo nie choča spynić vajenny kanflikt va Ukrainie, niahledziačy na ŭsiu dapamohu z boku ZŠA.
Tym nie mienš, niahledziačy na abrazu jaho asabista, Orban paabiacaŭ, što Vienhryja ŭsio ž praciahnie pastaŭlać Ukrainie elektraenierhiju i paliva, a taksama padtrymlivać ukrainskich uciekačoŭ, jakija pryjazdžajuć u Vienhryju. Maŭlaŭ, «žyćcio rassudzić usio astatniaje, i kožny atrymaje toje, što zasłuhoŭvaje».
Heta nie pieršaja rezkaja publičnaja krytyka na adras Viktara Orbana z boku Uładzimira Zialenskaha. Raniej ukrainski prezident taksama vykazvaŭsia krytyčna adnosna vienhierskaha kiraŭnika, asabliva kamientujučy jahonyja sumnievy ŭ metazhodnaści ŭstupleńnia Ukrainy ŭ Jeŭrapiejski Sajuz.
Sam Orban nieadnarazova krytykavaŭ Ukrainu za zachavańnie ŭ joj karupcyjnych prablem i asprečvaŭ śćvierdžańni ab paśpiachovych reformach. Jon padkreślivaŭ, što vienhierskija hrošy pavinny pracavać na raźvićcio Vienhryi, a nie na raskošnaje žyćcio ŭkrainskaj elity.
Što tyčycca sankcyj suprać Rasii, to Vienhryja časta zajmaje pazicyju, jakaja na niejki čas błakuje novyja abmiežavańni, choć u vyniku padtrymlivaje ich paśla dadatkovych pieramoŭ ź ES. Akramia taho, Orban nieadnarazova vykazvaŭsia suprać nakiravańnia zamarožanych rasijskich aktyvaŭ na dapamohu Ukrainie.
Zialenski: Tańniej nie dać Rasii vyrablać rakiety, čym ratavać enierhasistemu Ukrainy
Orban pahražaje zabłakavać jeŭrapiejskuju dapamohu Ukrainie, kali nie budzie biezumoŭna pryniaty płan Trampa
«Pryjdziem u kožnuju viosku!» Orban abviaściŭ zbor podpisaŭ suprać płana ES pa abaronie ad Rasii
Zialenski ŭ dobrym nastroi prakamientavaŭ udary USU pa naftapravodzie «Družba» i reakcyju na heta Vienhryi
U Vienhryi rascanili ŭśmiešlivy adkaz Zialenskaha adnosna naftapravoda «Družba» jak pahrozy Budapieštu
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary
I 800 milliardov na vosstanovlenije nie zabud́tie otsypať.