Śviatłana Cichanoŭskaja nazvała lubimuju stravu dziacinstva
Demakratyčnaja lidarka Biełarusi zavitała na prajekt «Pieratrom z Chalezinym».
Skrynšot videa «Pieratrom z Chalezinym»
Mikałaj Chalezin zapytaŭsia, jaki ŭ jaje samy lubimy smak dziacinstva. Palityk na niekalki siekund zavisła.
«Ty zaraz palacieła ŭ Mikaševičy, dzie naradziłasia?» — spytaŭsia Chalezin.
«Nie, Sinkievičy, — adkazała Cichanoŭskaja. — Mikaševičy, kaniečnie, škoła, vučoba. Ale leta pravodziła ŭ Sinkievičach u babuli i dziaduli. Tam usio było cudoŭna, bieskłapotnaje dziacinstva, kali ty biareš koŭdru, stos časopisaŭ «Pijanier», jakija ty pačynaješ pieračytvać».
«Ja zaraz skažu stravu, jakuju naŭrad ci chto viedaje, moža ŭ našym rehijonie viedajuć. Heta zvyčajny bulbiany sup na zasmažcy, jaho nazyvali razanki. Jaho hatavali ŭ piečy, samy zvyčajny sup. Moža ŭ inšych rehijonach jaho nazyvali pa-inšamu, u nas nazyvali razanki», — raskazała Śviatłana Cichanoŭskaja
Sinkievičy znachodziacca za 10 km ad Mikaševičaŭ pa darozie na Brest. Skrynšot videa «Pieratrom z Chalezinym»
Niadaŭna, vyjšaŭ na volu 19‑hadovy chłopiec Siarhiej, jaki raskazaŭ, što moj svajak — Siarhiej Kaplič. «Jon z hetaj vioski Sinkievičy, jon svajak. Jaho proźvišča Kaplič, jak u majoj babuli».
«Šmat straŭ možna nazvać ź dziacinstva. Ale samaja najlepšaja razanki — sup, pryhatavany rukami babuli», — zaklučyła Śviatłana Cichanoŭskaja.
Čytajcie taksama:
Cichanoŭskaja raskazała, kim by chacieła pracavać, kab nie zdaryŭsia 2020 hod
«Jon jašče svajo słova skaža». Cichanoŭskaja — pra Cichanoŭskaha
Cichanoŭskaja šukaje ŭ Varšavie kaśmietołaha i treniera pa boksie
Franak Viačorka i Alaksandr Dabravolski pierajazdžajuć u Varšavu razam ź Cichanoŭskaj
Śviatłana Cichanoŭskaja naviedała šełtar dla byłych palitźniavolenych u Varšavie