Zakryłasia jutub-šou «Mnie taksama nie padabajecca»
Viadučaja Jaŭhienija Suhak patłumačyła, što było pryčynaj.
Vokładka apošniaha vypusku šou «Mnie taksama nie padabajecca»
Šou «Mnie taksama nie padabajecca» pačało vychodzić u jutubie ŭ 2022 hodzie. Farmat taki — try hości ŭ studyi abmiarkoŭvajuć nadzionnuju temu. Apošni vypusk byŭ paŭhoda tamu — 9 žniŭnia 2025 hoda.
Viadučaja Jaŭhienija Suhak u prahramie «Hadzińničak cikaje» patłumačyła, što toje jutub-šou na paŭzie praź finansavyja pieraškody.
«U mianie nie padymałasia ruka napisać hety post. Mnie ŭsio zdavałasia: moža, u nastupnym miesiacy štości naładzicca, moža ŭ nastupnym», — kaža jana.
Suhak spadziajecca, što šou jašče vierniecca, bo joj padabajecca hety farmat i jana ličyć, što biełaruskamu jutubu jaho budzie nie chapać.