U Trokach u mužčyny znajšli 6 tysiač pačkaŭ biełaruskich cyharet
U aŭtamabili, jakim kiravaŭ mužčyna, u niadzielu ŭviečary ŭ Trokach pad Vilniaj byli znojdzienyja 6 tysiač pačkaŭ cyharet ź biełaruskimi akcyzami, paviedamlaje LRT.
Fota: VSAT
Kala 20‑j hadziny tytuniovyja vyraby byli vyjaŭlenyja ŭ aŭtamabili Volkswagen Passat, jakim kiravaŭ mužčyna 1978 hoda naradžeńnia.
U transpartnym srodku było znojdziena i kanfiskavana 4,5 tysiačy pačkaŭ cyharet «Minsk Capital QS» i 1,5 tysiačy pačkaŭ cyharet «NZ Gold».
Mužčynu źmiaścili ŭ izalatar časovaha ŭtrymańnia, raspačata dasudovaje rasśledavańnie pavodle faktu niezakonnaha abychodžańnia z padakcyznymi tavarami, košt jakich pieravyšaje 20 tysiač jeŭra, ale nie dasiahaje 45 tysiač jeŭra.