Praz KPP na biełaruska-ŭkrainskaj miažy ŭ Małaryckim rajonie štodnia prachodziać dziasiatki ludziej

Pavodle infarmacyi vydańnia The Economist, aŭtamabilny punkt propusku Makrany — Damanava na miažy Biełarusi i Ukrainy staŭ vielmi važnym maršrutam dla ŭkraincaŭ, jakija viartajucca na radzimu. Aficyjna hety pierachod u Małaryckim rajonie Bresckaj vobłaści ličycca zakrytym, adnak ź pieršych tydniaŭ vajny jon faktyčna vykarystoŭvajecca jak humanitarny kalidor.

Zdymak ilustracyjny. Fota: Getty Image

Praz hety punkt va Ukrainu jeduć ludzi z Danbasa i inšych terytoryj, jakija ciapier nie kantralujucca Kijevam. Dabracca da jaho im składana: šlach pralahaje praz Rasiju i Biełaruś i moža zaniać kala troch dzion, choć raniej trapić z Danbasa ŭ Kijeŭ možna było ŭsiaho za niekalki hadzin. Tym, u kaho niama dziejnych ukrainskich dakumientaŭ, pierad pierasiačeńniem miažy nieabchodna atrymać časovyja papiery ŭ konsulstvie Ukrainy ŭ Minsku.

Štodnia praź miažu prachodzić prykładna 30—40 čałaviek. Najčaściej heta žančyny, dzieci i pažyłyja ludzi, ale sustrakajucca i mužčyny pryzyŭnoha ŭzrostu, niahledziačy na ryzyku mabilizacyi.

Na ŭkrainskim baku biežancaŭ sustrakajuć vałanciory. Paśla pravierki im vydajuć ježu, novyja SIM-karty i finansavuju dapamohu — kala 10,8 tysiačy hryŭniaŭ. Zatym ludziej razvoziać mikraaŭtobusami da ciahnikoŭ, aŭtobusaŭ, balnic abo svajakoŭ.

Kamientary da artykuła