Vajskoŭcy ZŠA zatrymali jašče adzin tankier rasijskaha cieniavoha fłotu

Pra toje, što siły Minabarony ZŠA vysadzilisia na bort sudna Aquila II u Indyjskim akijanie, paviedamiła pres-słužba Pientahona.

Skrynšot ź videa

U Pientahonie adznačyli, što sudna dziejničała «nasupierak ustanoŭlenamu prezidentam Trampam karancinu dla sudoŭ, jakija znachodziacca pad sankcyjami ŭ Karybskim mory».

«Karabiel źnik, my rušyli za im. Ministerstva abarony adsočvała i pieraśledavała hetaje sudna ad Karybskaha mora da Indyjskaha akijana», — adznačyli ŭ Ministerstvie abarony ZŠA, prykłaŭšy videa zatrymańnia sudna.

When the @DeptofWar says quarantine, we mean it. Nothing will stop DoW from defending our Homeland — even in oceans halfway around the world.

Overnight, U.S. military forces conducted a right-of-visit, maritime interdiction and boarding on the Aquila II without incident in the… pic.twitter.com/kYVAQC5io9

— Department of War (@DeptofWar) February 9, 2026

U zajavie taksama adznačajecca, što parušalniki chutčej zastanucca biez paliva, čym zmohuć uciačy ad amierykanskich Uzbrojenych sił. Pientahon abiacaje i nadalej pazbaŭlać niezakonnych udzielnikaŭ suśvietnaha handlu i ich pasrednikaŭ mahčymaści dziejničać nasupierak amierykanskamu ŭpłyvu ŭ suśvietnaj marskoj prastory.

Kamientary da artykuła