Cieniavy fłot Pucina pad pahrozaj — 14 krain Jeŭropy chočuć zabłakavać jaho ŭ Bałtyjskim mory
Čatyrnaccać jeŭrapiejskich dziaržaŭ vystupili z sumiesnym papiaredžańniem dla tankieraŭ z tak zvanaha «cieniavoha fłotu» Rasii, jakija vykarystoŭvajucca dla abychodu sankcyj i pieravozki naftapraduktaŭ praz Bałtyjskaje i Paŭnočnaje mory.
Hetyja krainy zajavili, što buduć pieraškadžać sudnam, jakija parušajuć mižnarodnyja normy sudnachodstva i sankcyi, — heta značyć tym, chto nie maje pastajannaj nacyjanalnaj rehistracyi, pravilnaha strachavańnia i dakumientaŭ pa biaśpiecy, piša Bild.
U sumiesnaj zajavie, padpisanym Bielhijaj, Danijaj, Estonijaj, Finlandyjaj, Francyjaj, Hiermanijaj, Isłandyjaj, Łatvijaj, Litvoj, Niderłandami, Narviehijaj, Polščaj, Šviecyjaj i Vialikabrytanijaj, havorycca, što ad Rasii isnuje pahroza biaśpiecy mižnarodnaha sudnachodstva. Krainy pieraličyli parušeńni, uklučajučy machlarstva ź identyfikacyjnymi źviestkami mnohich sudnaŭ.
Adny z asnoŭnych punktaŭ zajavy:
— sudny pavinny płavać tolki pad ściaham adnoj krainy i mieć dziejsnyja dakumienty pa biaśpiecy i strachavańni,
— kali jany hetaha nie vykonvajuć — naprykład, mianiajuć ściah, adklučajuć transpondery abo nie majuć patrebnych dakumientaŭ — ich buduć razhladać jak sudny biez hramadzianstva. Heta značyć, što ŭ adpaviednaści z Kanviencyjaj AAN pa marskim pravie vajskovyja karabli mohuć ich zatrymlivać i ahladać u adkrytym mory.
Krainy taksama źviarnuli ŭvahu na prablemy ź pieraškodami pracy spadarožnikavych sistem navihacyi, što pavyšaje ryzyku dla biaśpieki marskoha transpartu.
Estonski i niamiecki čynoŭniki padkreślivajuć, što hetyja tankiery, časta staryja i kiepska abstalavanyja, taksama ŭjaŭlajuć ekałahičnuju pahrozu, bo mohuć stanavicca pryčynaj avaryj i zabrudžvańnia moraŭ.
Ciapier čytajuć
Upieršyniu za čas nazirańniaŭ tempieratura pavietra ŭ Biełarusi pierakročyła +40°C3
Kamientary