Buchhałtarka z Mahilova ŭmudryłasia prasadzić u anłajn-kazino 185 tysiač rubloŭ svajoj firmy
U Mahilovie raskryta schiema kradziažu hrošaj u adnoj z pryvatnych kampanij horada. Da spravy akazałasia datyčnaj hałoŭnaja buchhałtarka, paviedamlaje MUS.
42‑hadovaja supracoŭnica mieła dostup da elektronnaha rachunku firmy i pieravodziła hrošy na svoj rachunak. Pieravody jana afarmlała jak premijalnyja vypłaty.
Žančyna taksama adkazvała za padrychtoŭku spravazdačnaści, tamu mahła ŭnosić u dakumienty iłžyvyja źviestki i chavać niedachop.
U vyniku buchhałtarka skrała 185 tysiač rubloŭ, jakija patraciła na staŭki ŭ anłajn-kazino.
Zaviedziena kryminalnaja sprava za kradziež šlacham złoŭžyvańnia słužbovymi paŭnamoctvami ŭ asabliva bujnym pamiery. Pa hetaj artykule joj pahražaje da 12 hadoŭ pazbaŭleńnia voli.