Narviežac Jochanes Kleba staŭ siamirazovym alimpijskim čempijonam. Da rekorda zusim blizka
Narviežski łyžnik Jochanes Kleba staŭ siamirazovym alimpijskim čempijonam, zavajavaŭšy zołata ŭ spryncie kłasičnym chodam na zimovych Alimpijskich hulniach 2026 hoda. U finale jon apiaredziŭ amierykanca Biena Ohdena i svajho suajčyńnika Oskara Opstada Vikie.
Jochanies Kleba tryumfuje. Fota: AP Photo / Alessandro Trovati, File
Dla 29‑hadovaha spartsmiena heta ŭžo druhaja załataja ŭznaharoda na ciapierašniaj Alimpijadzie, a ahulnaja kolkaść najvyšejšych alimpijskich tytułaŭ dasiahnuła siami. Takim čynam, Kleba zastajecca ŭsiaho adzin krok da rekordu zimovych Hulniaŭ: pa vosiem załatych miedaloŭ ciapier majuć lehiendarnyja narviežskija łyžniki Bjorn Deli i Maryt Bjorhien, a taksama narviežski bijatłanist Ule-Ejnar Bjorndalen.
Napieradzie ŭ narviežca jašče honka na 10 km svabodnym stylem z raździelnym startam, dzie čakajecca vostraja baraćba ź inšym pradstaŭnikom Narviehii — Ejnaram Chiedeharam, jaki raniej vystupaŭ u bijatłonie.
Čytajcie taksama:
Hanna Karalova nie trapiła ŭ tryccatku najmacniejšych u kvalifikacyi spryntu
18‑hadovaja ściahanosca zbornaj Małdovy akazałasia zaciataj pucinistkaj
Alimpijada jašče tolki pačałasia, a zavajavanyja miedali ŭ niekatorych pryzioraŭ užo pałamalisia