18‑hadovaja ściahanosca zbornaj Małdovy akazałasia zaciataj pucinistkaj
18‑hadovuju łyžnicu Lizavietu Chłusovič, jakaja była ściahanoscam zbornaj Małdovy na adkryćci Alimpijskich hulniaŭ 2026 hoda ŭ Italii, abvinavacili ŭ padtrymcy prezidenta Rasii Uładzimira Pucina, rasijskaj armii i vajny va Ukrainie.
Jak paviedamlajecca, karystalniki z Małdovy znajšli jaje staronku ŭ sacyjalnaj sietcy «VKontaktie», dzie spartsmienka była padpisana na niekalki prarasijskich supołak, u tym liku pryśviečanych rasijskaj armii, Pucinu i vajennym zvodkam.
Praź niekalki hadzin paśla źjaŭleńnia hetaj infarmacyi ŭ ŚMI staronka Chłusovič była častkova ačyščanaja: jana źmianiła imia profilu, adpisałasia ad šerahu prarasijskich hrup, adnak fota i videa jašče zastavalisia dastupnymi. Užo 9 lutaha akaŭnt byŭ całkam vydaleny.
Lizavieta Chłusovič naradziłasia ŭ Rasii. Jaje maci — bijatłanistka Natalla Leŭčankova, jakaja taksama vystupała za Małdovu i ličycca samaj paśpiachovaj spartsmienkaj krainy ŭ zimovych vidach sportu.
Situacyja vyklikała niezadavolenaść u častki małdaŭskich spartyŭnych čynoŭnikaŭ. Raniej staršynia Fiederacyi baraćby Małdovy Ivan Hieorhiu krytykavaŭ toj fakt, što na zimovych Alimpijskich hulniach krainu pradstaŭlajuć adrazu čatyry spartsmieny rasijskaha pachodžańnia.
Usiaho Małdovu na Alimpijadzie ŭ Italii pradstaŭlajuć piać atletaŭ, ź jakich čaćviora naradzilisia ŭ Rasii: Lizavieta Chłusovič, a taksama bijatłanisty Alina Stremavus, Pavieł Mahaziejeŭ i Maksim Makaraŭ.
Alimpijada jašče tolki pačałasia, a zavajavanyja miedali ŭ niekatorych pryzioraŭ užo pałamalisia
Łyžnik z Haici zaniaŭ na Alimpijadzie apošniaje miesca, ale sarvaŭ apładysmienty
Lindsi Von znachodzicca ŭ stabilnym stanie paśla padzieńnia na Alimpijadzie-2026
Vice-prezidenta ZŠA i amierykanskuju delehacyju aśvistali padčas adkryćcia Alimpijady ŭ Miłanie
Kamientary