U minskaj ŽKH abvierhli čutki pra śmiećcievy kałaps u Minsku
Pres-słužba minskaj Žyllova-kamanalnaj haspadarki zajaviła, što infarmacyja, jakaja źjaviłasia ŭ niekatorych krynicach pra nibyta krytyčnuju situacyju z vyvazam śmiećcia ŭ Minsku, nie adpaviadaje rečaisnaści.
Fota: ŽKH Minska
Jak śćviardžajecca, u asobnych rajonach horada sapraŭdy fiksavalisia karotkačasovyja i adzinkavyja zboi ŭ vyvazie adkidaŭ. Jany byli, maŭlaŭ, vyklikanyja abjektyŭnymi pryčynami — niespryjalnymi ŭmovami nadvorja i ščylnaj parkoŭkaj pryvatnych aŭtamabilaŭ, što ŭskładniała prajezd śpiectechniki.
Na hety momant situacyja, adnak, nibyta całkam kantralujecca kamunalnymi słužbami stalicy. Usie prablemnyja miescy apieratyŭna apracavanyja, kantejniernyja placoŭki ačyščanyja, a vyvaz śmiećcia ažyćciaŭlajecca ŭ zvyčajnym režymie.
Źviestki pra «masavyja stychijnyja zvałki» ci «śmiećcievy kałaps», jak śćviardžajuć u minskaj ŽKH, nie paćviardžajucca. Kamunalnyja słužby praciahvajuć pastajanna sačyć za situacyjaj i pry nieabchodnaści karektujuć hrafiki vyvazu adkidaŭ u adpaviednaści z zaćvierdžanymi narmatyvami ich utvareńnia.
Čytajcie taksama:
Za hod sa stychijnych śmietnikaŭ u minskich lasach vyvieźli kala 1200 ton śmiećcia
Śmiećcievy kałaps u Mahilovie: kantejniery patanuli ŭ adchodach